ஜிப்ஸி திரைப்படம்
‘குக்கூ’, ‘ஜோக்கர்’ படங்களைத் தொடர்ந்து ராஜுமுருகன் இயக்கியுள்ள படம் ‘ஜிப்ஸி’. ஜீவா நாயகனாக நடித்துள்ள இந்தப் படத்தில் நடாஷா சிங் நாயகியாக நடித்துள்ளார்.
மேலும் சன்னி வைய்யன், லால் ஜோஸ், பாடகி சுசீலா ராமன், விக்ரம் சிங், கருணா பிரசாத் ஆகியோர் முக்கிய கதாபாத்திரத்தில் நடித்துள்ளனர். நடோடிகள் வாழ்க்கை மற்றும் அவர்கள் சந்திக்கும் பிரச்சினைகளை மையமாக வைத்து இப்படம் தயாராகியுள்ளது. சந்தோஷ் நாராயணன் இசையமைத்துள்ள இப்படத்திற்கு செல்வகுமார் ஒளிப்பதிவு செய்துள்ளார்.
ஒலிம்பியா மூவிஸ் சார்பில் அம்பேத்குமார் தயாரித்துள்ளார்.
சமூகத்தின் மீதான அன்பையும் புறக்கணிக்கப்படும் மக்களின் மீதான கருணையையும் திரைமொழி வழியாகப் பேசும் இயக்குநர் ராஜூமுருகனின் மூன்றாவது படம் ஜிப்ஸி.